Great Greenland A/S-imut matussiniarneq piniartunut eqquinerlussinnaavoq

Great Greenland A/S-imut matussiniarneq piniartunut eqquinerlussinnaavoq

DEL PÅ:

Facebook
Twitter
LinkedIn

Puisit amii pillugit ulluni kingullerni oqallinneq KNAPK-miit malinnaaffigineqarpoq, aammalu imatut oqaaserfigineqarluni:

 

KNAPK Great Greenlandip sulineranut akulerukkusunngilaq, kisiannili erseqqissarusullugu puisip amia isorliunerusunut nunaqarfinnullu, taamatummi illoqarfinni aamma qanoq pingaaruteqartigisoq. Puisip amia piniartorpassuarnut aningaasatigut isaatitsinermut pingaaruteqarpoq, taamaasilluni neri-saqarnermut aningaasarsiornermullu tapertaalluarluni. KNAPK-miit puisip amianut inuussutis-sarsiornikkut soqutigisaqarpoq, tassanilu piniartut ataavartumik tunisisinnaanerannut periarfissaasa qulakkeerneqarnissaat sumiiffinni amerlanerpaani pisariaqarmat.

 

KNAPK Great Greenland A/S-imut puisip amii pillugit akitigut isumaqatigiissuteqartarpoq, aamma kattuffimmiit ammeriviup ukiuni kingullerni sulinera angusaalu nersorusullugit. Ineriartorneq ilor-raap tungaanut ingerlavoq.

 

Great Greenland A/S ukiuni arlalissuarni aningaasatigut ilungersunarluinnartumik inissisimani-kuuvoq, tamannalu puisip amianik tunisinerup annikilliartorneranut sunniuteqaqataanikuuvoq. Ukiut kingulliit annanniarfittut ilungersunartorsiorfiunikuuvoq. Maannakkut ammerip eqqissisimasumik ingerlalernikuuvoq, allaat takornarissat ornigarfianik aamma pilersitsisoqarluni.

 

KNAPK-miit Great Greenland A/S-ip iliuuserpassui pitsaasut apeqqusernatigut, tapersiinnarusuppai.

 

’Puisip amiinik tunisat annertusarnissaannut tamatta suliassaqarpugut. KNAPK-miit piniartut tuni-sinissamut periarfissaasa qulakkeerneqarnissaat suliassaraa. Tassani Great Greenland A/S aamma Namminersorlutik Oqartussat tunitsivissaqarnissaanut qulakkeerinninniarnermi suleqataasariaqar-put’ oqarpoq KNAPK-p siulittaasua Nikkulaat Jeremiassen.

 

Puisip amii tunineqartartut sakkortuumik ikileriarnikuupput, kisianni ingerlatseqatigiiffiup killiffia maannakkut patajaallisarneqarnikuuvoq.

 

’Great Greenland A/S-ip tamakkiisumik tatigaarput, aammalu tassunga atatillugu mianersortoqar-nissaa kaammattuutigerusullugu, tassami suliffeqarfiup eqqissisimatinneqarnissaa pingaaruteqar-mut. KNAPK-p Great Greenland A/S-imik mattussiniartoqarnera tapersersunngilaa, tamanna pini-artunut toqqaannartumik sunniuteqartussaammat, taakkumi aningaasatigut eqqorneqarsinnaapput.’

 

’Great Greenland A/S aningaasatigut ilungersunarluinnartumik atugaqarluni ingerlanikuuvoq. Ingerlatseqatigiiffik annertunerusumik tatineqarnissaminik pisariaqartitsinngilaq. Piniartut puisip

 

 

 

amianik tunisinissaminnut periarfissaqartariaqarput, taamaattoq Great Greenland A/S-ip nioqqu-tissiai aamma tuniniarneqartariaqarput, nunatsinniinnaanngitsoq, kisianni aamma nunarsuup sin-nerani’ Nikkulaat Jeremiassen naggasiivoq.