Aasaanera nunatsinni takornariartitsinikkut umiarsuillu nuannariutit tikittarneranni ula- paarnerpaaffiusarpoq, ingiallortaanik saarullinniarnerup ilarujussuani ingerlanerluppoq.
Saarullinniarneq sakkortuumik eqqugaaqqasoq suli annertunerusumik tatineqartussanngor- poq sinerissap qanittuani aalisarnermi ikummatissap akia aarleqqutigineqartumiit suli suk- kanerusumik akitsortussanngormat, umiarsuit nuannaariutit nunatsinnut angalasut ikumma- tissamik akikitsumik atuimmata.
’Naapertuilluarneruvoq umiarsuit nuannaariutit nunatsinneersunik kiffartuussinermik nioqqutissanillu aamma pisiortortarmata. Kisiannili ajornartorsiutaavoq ikummatissat akiisa qaffasinnerulernerat nunatsinni atuisartut akiligassarimmassuk, tassanilu sinerissap qanit- tuani aalisartut sakkortuumik eqqugaassapput.’
COVID-19-ip atuunnerani takornariartitsisut annertuumik ikiorsiiffigineqarput, tamannami aamma pisariaqarmat. Kisianni aalisarnerup maannakkut unammilligassaanut saniller- suukkaanni takornariartitsinermi inuussutissarsiornerup akileraarutitigut, akitsuutitigut aammalu nunatta avammut niuernerani isertitat eqqarsaatigalugit pissarsiarisartagai naller- suunneqarsinnaanngillat.
Kalaallit Nunaat ikummatissamik akikitsumik nunguutsippat, taava atuisartut tamavimmik maannakkumiit ikummatissamik akisunerungaatsiartumik akilisaariaqalissapput. Tamannalu KNAPK-miit ernummatigineqaroq, taamaattumik kattuffiup piaartumik politikkikkut akulerut- toqarnissaa ujartorpaa.
’KNAPK qaammatini marlunni kingullerni nunani allani ikummatissat akiisa qaffakkiartornerat aarleqqutigalugu oqariartorpoq. Maannakkut Kalaallit Nunaat suli sakkortunerusumik eqqugaasussanngorpoq, tassami nioqqutissat akii qaffasinnerusut kisimik akilertussanngi- lavut, kisiannili aamma ikummatissamut akit qaffasinnerungaatsiartut akilersulertussaavavut. Innuttaasut tamarmik sakkortuumik eqqugaassapput, aamma apeqqutaaginnarpoq qaqugu ikummatissap akia nunatsinni qaffariassanersoq. Sinerissap qanittuani saarullinniarneq tuni- sinermi akit appasinnerannik eqqugaavoq, sulilu aalisartut sakkortunerusumik eqqugaa- sussanngorput.’
Naalakkersuisut nioqqutissat akiisa qaffasinnerulernerat pillugu qaangeruminaatsumik su- liassaqarput, tassami aamma qulakkeerniartussaavaat nunatsinni inuussutissarsiutit pi- ngaarnersaata unittuunnginnissaa. ’Sinerissap qanittuani aalisarnerup ilarujussua imminut
akilersinnaajunnaassaaq, aammalu aalisartorpassuit aalisariartarneminnik killilersuisariaqa- lissapput. Tassunga killiffeqartilluta periarfissaq kisimi ataasiinnanngorpoq, tassalu Naalak- kersuisut ajutoornerup ajornerulinnginnissaanik iliuuseqarnissaat.’
KNAPK-p tungaaniit ikummatissamut tapiissummik, ingammik sinerissap qanittuani aalisar- nermut pisariaqartitsisoqarnera tikkuarneqarpoq, taamaattumik sinerissap qanittuani aali- sarnermi killiffiup ilungersunarluinnartup Naalakkersuisuniit iliuuseqarfigineqarnissaa kissaatigaa. Iliuuseqannginneq sumiginnaanerussaaq aammalu nunatta inuussutissarsiu- taasa pingaarnersaannik salliutitsinnginnertut isigineqassalluni. Akisussaassuseqanngitsu- liornerussaaq.
- KNAPK-miit sinerissap qanittuani aalisarnermut ikummatissamik tapiissummik 1. sep- tember – 31. december 2022 tikillugu ujartuivoq.
- KNAPK-miit Polaroilip nunami allamiut umiarsuaannut nuannariutinut umiarsuaati- nullu ikummatissanut akigititaminik qaffaanissaa ujartorpaa.
- KNAPK-miit saarullinniarnermi uumatitsiviit atorneqarnerat pillugu sinaakkutissat er- sarissut ujartorpai (saarullinnermi uumatitsiviit atorneqarnerat pillugu nalunaarut, tassanilu kattuffiup kissaatigaa uumatitsivissorluni saarullinniarneq Maniitsup eqqaa- nut kisimi atuutsinneqassasoq).
- KNAPK-p ujartorpaa killilersuisoqarnerata nalaani inuussutissarsiutigalugu aalisartut illersorneqarnissaat (saarullinnik tunisisarnermi sunngiffimmi aalisartut tulaassisarne- risa unitsinneqarnissaat, inuussutissarsiutigalugu aalisartut killilersuiffigineqartillugit).
’Sinerissap qanittuani aalisarnermi ajornartorsiutit annertuumik oqaloqatigiis- sutigisaqattaarpavut. Kisianni oqaloqatigiinnerit attaveqarnerillu tamakku tamarmik sunni- uteqanngillat. Naalakkersuisut maannakkut iliuuseqartariaqalerput. Naammanngilaq nerior- suisaqattaarneq. Maannakkut iliuuseqartoqartariaqalerpoq!’ oqarpoq Nikkulaat Jeremiassen.
KNAPK-miit mianersortumik eqqoriaasoqassappat ikummatissamut tapimik qanoq anner- tutigisumik pisariaqartitsisoqarnesoq, taava kattuffimmiit minnerpaamik liiterimut 2 kr pi- umasarineqassaaq. Ikummatissap akia aarleqqutigineqartuniit suli qaffasinnerulissappat, taava tapiissutit nalimmassarneqartariaqarput. Sinerissap qanittuani aalisarnermi nuna tamakkerlugu ikummatissamik atuinermi dieselimik benzinamillu atuinerup 15 %-iata missaa atorneqartassasoq naatsorsuutigineqarpoq. Qaammatini pingasuni benzinamik dieselimillu sinerissap qanittuani atuinermut ikummatissamut tapinut 9,8 mio. kr.-it missaat 2022-ip sin- neranut pisariaqartinneqartussaapput.